रोज एक पान

      Image Courtesy: Pixabay            नमस्कार, आज खूप दिवसांनी हे पान लिहायला घेतले... माझ्या 'रोज एक पान' ह्या सदराची संकल्पना वाचली असेल तर तुमच्याही लक्षात आलं असेल की छोट्या छोट्या कित्येक गोष्टी ह्या सदरातून उलगडण्याचा माझा प्रयत्न असतो... हाच 'प्रयत्न' आजच्या पानाचा विषय असला पाहिजे असं ह्या नवीन वर्षात आल्यावर मनापासून जाणवतंय...             सालाबादप्रमाणे ह्या वर्षाच्या स्वागतालाही प्रत्येकानेच आपापल्या मनाप्रमाणे तयारी केली असेल. त्याच उत्साहात नवीन वर्ष सुरू झालेले आहे.... पण आज केवळ आठवड्यानंतर एक गोष्ट किती जणांनी खरोखर लक्षात ठेवली आहे? ती म्हणजे नववर्षाच्या फक्त पहिल्या दिवशी आवर्जून एका गोष्टीची प्रत्येकाला आठवण असते आणि एकमेकांना त्या विषयी प्रश्न ही विचारला जातो... अन् तो म्हणजे "ह्या वर्षीचा संकल्प काय आहे ?"...काय खरं आहे ना? तुम्हाला कोणी किंवा तुम्ही कोणाला तरी हे विचारलं असेलच...             तुम्ही काय संकल्प केला ? मी काय केला ह्या विषयी मला काही चर्चा कराय...