रोज एक पान

                     कधी कधी आपल्याला अशी काही माणसं भेटतात की जे कायम इतरांपासून प्रेरित होत असतात आणि तेच इतरांनाही प्रेरित करत असतात. ह्यामुळेच जीवनाचा खरा अर्थ उलगडता येतो.  खरंच प्रत्येकाच्या संपर्कात अशी मंडळी असावीच.        स्वतः साठी सगळेच जगतात; परंतू इतरांसाठी जगूनही 'आनंद' शोधण्यासोबत तो वाटण्यात खरी माणुसकी जपणारे अनेक हात आपल्या देशात आहे. समाजात जगताना समाजाप्रती काही कार्य केले पाहिजे हे आपण लहापणापासून शिकत असतो, ऐकत असतो. पण तरी सुद्धा खऱ्या आयुष्यात ही गोष्ट कायम जपणारे काहीच लोक असतात. समाजकल्याणासाठी आपलं आयुष्य वाहिलेल्या अनेक नामवंत, थोर व्यक्तींबद्दल आपण सारेच जाणतो.  अगदी तसेच समाजात काही अशाही वल्ली आहेत ज्या त्यांच्या इतपत जमलं नाही तरी आपापल्या परीने समाजाचं देणं फेडण्याचं काम कायमच करत असतात. अशाच एका गटाशी ४/५ वर्षांपूर्वी संपर्कात आलो. 'Joy of Giving' उपक्रमांतर्गत दिवाळीच्या निमित्ताने काही आदिवासी पाड्यांमध्ये जाऊन तिथल्या रहिवाश्यांना दैनंदिन जीवनातल्या गरजेच्या वस्तू दे...