रोज एक पान

                        काय मग, मागच्या पानातला बकुळगंध मनात दरवळला की नाही ? म्हणजे तुम्हांलाही अशी एखादी मनी रुजलेली आठवण आली का? आली असेल तर ती आणखी जपून ठेवा... आता आजचं शीर्षक वाचून वाटलंच असेल की आता मी नेहमी एक एक फूलांच्या आठवणी सांगायच्या असं ठरवलं की काय... तर तसं नाही.. खरं तर ह्या पुढचं पान हे वेगळ्या विषयावर लिहायचं ठरवलं होतं आणि ते पान जवळपास भरतही आलं होतं...           पण कधी कधी अचानक आलेलं वेगळं वळणही खूप आनंदाचं असतं आणि म्हणूनच चालू असलेलं पान जरा बाजूला ठेवून एक अधिकचं पान लिहायला तर हवचं... तेव्हा आजचं हे गोंडस पानही आवडलं तर जपून ठेवा...                अगदी लहानपणापासून म्हणा किंवा समजायला लागल्यापासून म्हणा; प्रत्येक जण आपापल्या आवडी वेगवेगळ्या पध्दतीने जमेल तसा जपत असतोच आणि त्यातून मिळणारा आनंद म्हणजे 'मोगरा' असं मला वाटतं... अर्थात संत ज्ञानेश्वरांनी आपल्या अभंगात फुललेल्या मोगऱ्याचं जसं आणि जे वर्णन केले आहे ते पुन्हां एकदा शां...

              सकाळी लवकर  नेहमीप्रमाणे तिला जाग आली. ती अर्थात भ्रमणध्वनीच्या गजरामुळे... उठता क्षणी तिची नजर सवयीने तिच्या आवडत्या जागी गेली.. तिची हक्काची, शांतता आणि आनंद देणारी अशी जागा तिने खूप छान सजवली होती.   वेगवेगळ्या फुलांची  अन्  वेलींची रोपटी ह्यांनी सजलेला तो कोपरा खूपच तजेलदार होता.. ताज्या टवटवीत नुकत्याच उमलू लागलेल्या विविध फुलांचा सुगंध... रातराणीचा अजूनही दरवळणारा मंद दरवळ...  फुलांवर भिरभिरणारे मोहक फुलपाखरू, चिमणीपाखरांचा चिवचिवाट... दिवसाची सुरुवात करून देणारे रवीकिरण..  अन्   नभोवनात सुरु असलेला तो ऊन सावल्यांचा खेळ... रोज दिवसाची सुरुवात ह्याच तिच्या आवडत्या जागी  करायची हे तिने ठरवलेच होते.                 उठल्यावर   रोजच्याप्रमाणे आधी तिने तिच्या ह्या सर्व रोपट्यांना पाणी दिले आणि कायम तिला निर्व्याज, अमूल्य आनंद देतात म्हणून  मनोमन त्यांचे आभार मानले... पाणी पिऊन तृप्त झालेल्या त्या हिरव्यागार रोपट्यांचा तजेला, मातीचा आणि फूलांचा त...

         आयुष्यात कित्येक अशा गोष्टी आणि किस्से घडत असतात ज्या कधी खूप आठवणी देऊन जातात तर कधी आयुष्याचा वेगळा अर्थ शिकवतात. सध्याचेच बघा ना गेल्या दीड एक वर्षांपासून कित्येक गोष्टी बदलत गेल्या, अनेकांना बऱ्याच कठीण प्रसंगाना सामोरे जावे लागले तरी ह्याही प्रसंगी कित्येकांनी अनेक कौतुकास्पद कामे केली तर कित्येकांना छोट्याछोट्या गोष्टींचे नव्याने पैलू दिसू लागले... मला असं वाटतं की लिहिल्याने अनुभव वाढतो आणि म्हणूनच जीवनाचे विविध रंग दाखवणऱ्या अशाच काही नेहमीच्याच पण आयुष्याचा भाग बनून गेलेल्या गोष्टींचा आढावा किंवा अनुभव माझ्या नवीन सदरातून तुमच्यापर्यंत पोहोचवण्याचा हा नवा प्रयत्न करून बघतेय.. तेव्हा जर काही चूक आढळल्यास क्षमा करा आणि हक्काने माझ्या निदर्शनास आणून द्या...              आणि हो ह्या सदराचा विषय काय? तर मला सुचेल किंवा आवडेल त्या विषयावर लिहित जाणं एवढंच सध्या तरी ठरवलं आहे. तरी तुमच्यापैकी कुणाला एखादा विषय सुचवायचा असेल तर स्वागतच आहे. फक्त सुचवलेल्या प्रत्येक विषयामध्ये 'निवड करणे' हा सर्वस्वी माझा निर्णय ...